Пристигна најбрзата Е-Класа

Популарната "тјунинг кујна" на Мерцедес - "AMG", очекувано ја промовираше најмоќната и најбрза верзија на новата генерација Е-Класа.Одличен изглед, моќност и обртен момент, како и загарантираната ексклузивност, ветуваат дека и ова издание ќе биде предмет на воодушевување на љубителите на
"Ѕвездата" од Штутгард.Во првата серија официјални фотки "Mercedes-Benz" конечно ги прекина шпекулациите за спортската верзија на новата Е-Класа и нејзините перформанси.

Накратко, она што ве интересира е тоа дека новиот E63 AMG доаѓа со моќност од 518КС и дури 630Нм обртен момент.Во секој случај, се сомневаме дека било кој ќе биде доволно безобразен да се пожали на спортската лимузина која од 0 до 100км/ч забрзува за само 4.5 секунди, и со електронска блокада постигнува максимални 250км/ч.Сето тоа е зачинето со "Speedshift MCT" седумстепен менувач, кој и те како се докажа во "SL63 AMG".